Winter-wonder#28: Die skoonheid van die winter-tuin

Jeanne:stillewe.com:winter28a
Dit het my onlangs getref dat ek ’n totaal verwronge idee van die winter-tuin gehad het. Iewers oor die jare het ek besluit die tuin is hierdie tyd van die jaar lelik. Vaal en leeg. Treurige, kaal bome en takke, dís die prentjie wat by my opkom as ek aan die winter-tuin dink. Liewe aarde, ek kon nie meer verkeerd gewees het nie. Die winter-tuin, besef ek gister, nadat ek bietjie in die erf rondgeloop het om te kyk hoe staan sake, bruis eenvoudig van lewe.

Continue reading

Winter-wonder#27: Sysagte komberse

Foto van die MaXhosa-reeks via hinterveld.com
Foto van die MaXhosa-reeks via hinterveld.com

Dis nou die tyd om jouself toe te wikkel in sysagte kombers – verkieslik ’n veelkleurige een om die wintervaaltes te troef. Reg deur die winter lê daar orals stapels komberse in ons huis rond – op die sitkamerbank, oor die stoel in my studeerkamer, op die bed. (Ek is nie een vir koud kry nie.) Hoewel al hierdie staatmakers hul werk heel deeglik doen, droom ek lang winter-dagdrome van ’n moderne sybokhaarkombers, veral die pragtige weergawes wat gemaak word deur die plaaslike onderneming Hinterveld (hinterveld.com).

Continue reading

Winter-wonder#26: die klank van reën

(Geen foto van hierdie winter-wonder nie, dit gaan oor die klank, nie die voorkoms nie. En dis te laat in die aand om te sit en sukkel met opnames en audio-files …) Buitendien, teen hierdie tyd van die winter is ons almal in elk geval reeds goed vertroud met dié geluid. Ek praat egter nie van die klank van die stormsterk-reëns wat ons onlangs ervaar het nie. Ek praat van die ligter reën. Tradisionele, Kaapse, “sagte en deurdringende reën”, soos ons in aardrykskunde geleer het.

Continue reading

Winter-wonder#25: wafels en roomys!

jeanne:stillewe.com:winter25Die winter is my gunsteling-tyd om wafels en roomys te geniet. (Nie dat ek in die somer my neus daarvoor sal optrek nie, maar ek gaan dit nie spesiaal opsoek nie.) Daar is net iets omtrent dié plesierige poeding op ’n koue dag. Die wyse waarop die roomys so salig-sag al oor die warm wafel begin smelt … Dis so verwelkomend, en verwarmend. Net die ding om ’n yskoue wintersmiddag op te kikker – veral een waar ’n triestige Suidooster ook teenwoordig is.

Continue reading

Winter-wonder#24: Suurlemoentee teen die (ver)koue

Jeanne:stillewe.com:winter24
O
or die afgelope maande het ek in die gewoonte gekom om soggens ’n koppie suurlemoentee te geniet. Dink aan iets soos Med-Lemon, behalwe dat dit net natuurlike bestanddele bevat. Dis regtig maklik om te maak – basies ’n mengsel van vars suurlemoensap, heuning en kookwater – maar die voordele is groot. Buiten die heerlike smaak (verbeeld jou ’n warm, geurige, soetsuur-drankie) is dit ook effens van ’n gesondheidsbom, en die rede (vermoed ek) waarom ek hierdie winter nog nie eers die geringste kuggie gehad het nie.

Continue reading