Dekadente sjokoladekoek

sjokoladekoek:stillewe

So, ek was nogals stil hier die afgelope ruk. Tjoepstil. Laat ek net sê: omstandighede. Maar wat beter om die stilte te breek as met ’n heerlike sjokoladekoek? Hierdie resep is nie myne nie, maar ek deel hom graag want dis regtig handig om so ’n maklike, smullekker resep in jou arsenaal te hê.

Die versiersel kan jy aanpas na gelang van jou bui en die geleentheid – die eerste keer toe ek dit gebak het, vir my man se verjaardag, het ek gehou by die dekadente grondboontjiebotter-versiersel (sien foto onder) van die oorspronklike resep. Vir daardie geleentheid het ek wel die resep aangepas om ’n drielaagkoek te maak, en toe heeltemal oorboord gegaan met Chuckles as versiering. Lekker, maar onmoontlik om te sny, en baie ryk. Nooit gedink ek sal dit sê nie, maar daar is seker ’n plek vir matigheid as dit by koek kom …

Continue reading

Vir oulaas ’n winter-wonder

Jeanne:stillewe.com:winterwonder40
S
o, hiermee die laaste winter-wonder, vir eers (en tot volgende jaar). Gegewe die feit dat ons die lente-dag-en-nag-ewening op 23 September gevier het, is die lente nou heelhartig met ons, dankie tog. (Hoewel ek seker is daar wag nog koue, selfs sneeuweer, op ons.) Maar voor ek my aandag na hierdie lieflike seisoen verskuif, wil ek net ’n oomblik stilstaan by daardie pragtige Kaapse winterblom, die aronskelk of varkoor.

Continue reading

Winter-wonder#38: boerbone!

Jeanne:stillewe.com:winter38
U
iteindelik, ná maande se aandag en sorg en natlei en oplei, is die boerbone in my tuin gereed om geoes te word. Die pragtige wit blommetjies van vroeër het almal verdwyn, vervang deur groot, vet groen peule wat swaar aan die plante hang. Die boerboon is een van die groot plesiere van die laat-winter/vroeg lente-seisoen, en proe nooit beter as nou nie. (Terloops, ek weet die winter is nie meer tegnies met ons nie, maar vir die volgende paar dae lyk dit of daar bibberkoue weer op ons wag, so ek gaan vir oulaas ’n paar winter-wonders publiseer…)

Continue reading

Lente in die lug

Jeanne:stillewe.com:lente
E
k is ’n dag laat met hierdie ode, maar dis ook in die haak – die lente het nog skaars begin. Plus, gister het ek nie soveel pronkertjies in die tuin gehad om af te neem nie, so as ek iets sou skryf, sou dit sonder ’n foto moes wees. Terloops, hoe mooi is die kersierooi-kleur van die blom op links nie?

Terug by die saak aan hande: hoera vir die lente! (En dankie tog, ek is heeltemal oor die winter.) Wat ’n feestelike seisoen is dit nie – die temperature raak vriendeliker, die son kom vroeër op, dis net bloeisels en blomme en nuwe groen blare waar jy kyk. Ek sou graag meer digterlik en liries hieroor wil raak, maar dit was ’n lang dag, en ek laat digterlike impulse liewerste aan die kenners oor. Iemand soos ee cummings, wat die uitgelate gees van lente vasvang soos wat ek nog nie elders teegekom het nie.

Continue reading

Winter-wonder#37: Intense & dekadente warm sjokolade

Jeanne:stillewe.com:winter37
N
ou  ja, vir die laaste amptelike dag van winter was dit gepas koud en stormagtig. Hopelik is dit nou die laaste sien van dié seisoen, maar mens weet ook nooit. Om die geleentheid te vier het ek warm sjokolade gemaak – maar nie sommer net enige weergawe nie.

Onlangs by ’n kuier saam met vriendinne by ’n restaurant in die Paarl het ons vir poeding “hot chocolate shots” van die spyskaart bestel. Dit was geensins jou gewone aanmaak-drankie nie – dié bederf was ryk en romerig, met ’n diep en donkersoet sjokolade-smaak, voorgesit in klein espresso-koppies. Die afgelope ruk het ek bietjie geëksperimenteer met verskillende konkoksies, en vandag s’n het beslis as die wenner uitgetree.

Continue reading